رؤية الطماطم بالمنام

السلام عليكم ورحمة الله وبركاته
عساكم في اتمّ صحه واحسن حال يارب

لي صديقتي رأت رؤية اليوم وقصتها علي
وهي كالاتي

"كنت بالشقه لحالي الا وتيجي صديقتي اسمها رحمه من محافظتها لمحافظتي ثم انا فتحت غرفتي عشان هي تبي تنام ع السرير الا اشوف ع السرير طماطم والطماطم كبيره ولونه احمر وناضجه مافيها اي شيء خربان وكمية كبيره وماتوقع ان رحمه كانت تشوف الطماطم انا بس اللي كنت اشوفها"
خارج الرؤيه
رحمه متزوجه من ٣ شهور
وصديقتي هذي اسمها آيه مو متزوجه
رحمه وآيه بنفس الترم الجامعي وباقي لهم سنه وترم عشان التخرج
يوم بحثت عن الطماطم لغير المتزوجه ان هذولا خُطاب يبون يتزوجون آيه؟
بس قلت اشوف الصواب ان شاء الله منكم.

وعليكم السلام ورحمة الله وبركاته. هاذي الظاهر انها خصوصيات تكاد تكشف والله اعلم . طبعا اذكر واحد ناقشني عن الكلمات المكرره في القرآن والمعنى القوى الأهتزازي فيها . زلزلت الأرض ، دم دم عليهم ، دكا دكا . فالطماطم كأنها كلمه اهتزازية من طامه وكأنها جمع لها . ودائما الأشياء اللي مثل كذا يخفونها الأصدقاء عن بعض ، لكن قد تتكشف بعضها عند الزيارات . وماهي شرط تكون معاصي فقد تكون امور تختص بالنظافه والطهاره لكن بالنسبة إذا درى عنها ضيف وانتبه لها فهي طامه بالنسبه للمضيف . وخاصة كلمة سرير فهي تدل على الأسرار . والله اعلم والسلام عليكم ورحمة الله وبركاته

dana كتب:السلام عليكم ورحمة الله وبركاته

يوم بحثت عن الطماطم لغير المتزوجه ان هذولا خُطاب يبون يتزوجون آيه؟
بس قلت اشوف الصواب ان شاء الله منكم.

وعليكم السلام ورحمة الله وبركاته . بالنسبة للخطاب الله اعلم .

جزاك الله خير الجزاء يارب
مادري ليش يا اخوي اغلبية البنات العزباء تبحث عن معنى الرؤيه بجوجل مثلاً يطلع زواج حتى انا الصراحه قبل لا ابحث عن شيء بجوجل للعزباء ادري انه راح يقول زواج

بس تفسيرك ماشاء الله اقرب شيء للصواب لان صديقتها متزوجه في بيت العائله فالغالب ان ممكن هذي الاسرار تنكشف لاهل الزوج مثلاً وهي تشارك هالاسرار مع صديقتي

وخيرا جزاكم الله . التعبير ظني ومافيه احد يجزم فيه . وحتى الجازم بمعنى معين ومتأكد منه وما ادراه أن الرؤى ستصدق ، فقد يقل صدقها بقل صدق الرآئي ولا يقع إلا القليل جدا مما عبره وجزم به . نسأل الله لنا ولكم التوفيق . أما من يدون في قوقل فبعضهم هدفهم تجاري ولذا فقد يكثر فيه بيع الوهم والله اعلم . والسلام عليكم ورحمة الله وبركاته .