ذهب و شنطة

السلام عليكم ورحمة الله وبركاته،يارب تصيرون بخير
الله يعطيكم العافيه انا رأيت رؤيتين غريبات شوي مو عارفه افسرهم
اول شيء امس حلمت اني رايحه للدكتور وهو طلب مني اشعه واني اخذ ابره
كان فيه امرأه لابسه عبايه ومعها بنت صغيره كانت تشتغل عند هذا الدكتور وقالت انا بروح اجيب لك الابره وانا اعرف اعطي ابر بالوريد
قلت زين وانا كنت لابسه فستان مو حق مناسبات مو ابيض لكن كان ساتر قالت انا جبت لك الابره وبعطيها لك قلت ايه يلا اعطتني الابره بطريقه غريبه اول شيء كان بمكان خطأ يعني ماكان بالوريد وبعدين طلعت هي الابره من المكان الخطأ واعطتني اياه بالوريد وطلع دم!وبعدين قالتلي ترا الابره قيمتها ٦٠٠
قلت انا مامعي ٦٠٠ قلت لها بعطيك ذهب يصير عندك لين اجيب لك قيمة الابره
انا بالحقيقه لابسه خاتم ذهب بيدي اليسار وحلق ذهب
قلت بعطيك الحلق سمعت احد بالحلم قالي لاتعطيها الحلق عطيها الخاتم
عطيتها الخاتم بيدها ومشيت انا

اليوم ع صلاة الظهر قمت ع كلمه قالها احد لي بالحلم كثير

حلمت ان فيه احد يقولي ترا ملكتك راح تصير بشهر ١١ميلادي المفروض الشهر الجاي

ويعيدها ويكررها كثير وبعدين لاقيت ابوي أخذ الشنطه حقتي الزرقا يقولي باخدها اجيب فيها شيء وارجعها لك مره ثانيه وانا ماكنت موافقه لكن خليته ياخدها الغريب انه لما اخذها دخلها بداخل الشنطه حقته وكانت سوداء ومقاسها بالضبط ع قد الشنطه الزرقا حقتي! بس انتهى

ومع العلم الحمدلله انا كان علي سحر تعطيل الزواج وحسد والحمدلله تعالجت من هالامور قبل ٣ اسابيع

تقريباً كذا ع ايش تدل هذي الرؤى جزاكم الله جناته يارب

السلام عليكم ورحمة الله وبركاته . الرؤيا الأخيره إن صدقت على ظاهرها والله أعلم ، وإذا ما صدق الجزء الأول فالجزء الثاني يتعلق بربما مهرك او حسابك البنكي المهم قد يكون له تصرفه في ما يرى انه فيه مصلحه لك والله اعلم . ونقول إن شاء الله السواد الشنطه كثرة المال .

بالنسبة للرؤيا الأولى كانها والعلم عند الله تتحدث عن تطبيق ، فلا ادري هل بدئتي التطبيق في الجامعه ، او في مرحله التدريب وهناك من يطبق عليكم ، الرؤيا غير واضحه لي فالله اعلم ، علما اني طرحت موضوع حديثا في التوقف عن التعبير  هاذه الايام لعلك لم تتفطني له ، لكن خيرا رأيتي وشرا كفيتي والسلام عليكم ورحمة الله وبركاته .