رؤية بعد سورة البقره

السلام عليكم اخي ابو عبدالرحمن الله ينفع بعلمك الاسلام والمسلمين يارب
الله يسعدك عندي حدث صارلي قبل امس صعب شوي لكن الحمدلله في السراء والضراء
قرأت سورة البقره ونمت بعد صلاة الفجر وجاني بالرؤيه اني بالمقابر ولابسه حجاب كامل الا حجاب الوجه وكنت رايحه بالليل
ورحت عند خالتي وقرأت لها سورة الفاتحه وانا اصيح
وهي متوفيه قبل 14 سنه تقريبا وانا ولا مره رحت القبور
وبعدين لاقيت شيء زي مصنع كذا بجانب القبور فيه نور دخلت فيه وجلست ولاقيت عدد 2 اشخاص كانوا يأكلون وانا صحت ورفعت صوتي وقلت لهم انتم وش تبون مني انتم ليش مركزين معي؟
فجأه لاقيتني اقرأ سورة الفاتحه مره ثانيه وقلت لاحول ولا قوة الا بالله بعد ما قرأتها سمعت اللي كانت تأكل تناظرني وتقول ترا خطأ قلت لها وش اللي خطأ؟انا اسوي كذا ع طول قالت ايييه طيب
وكان ولد خالتي صغير اسمه محمد لاقيته فجأه جاني وجلس ع رجلي
مدري ياشيخ هذا تقريبا الحلم وش تفسيره ؟

وعليكم السلام ورحمة الله وبركاته . لا أظنها رؤيا والله اعلم . اشعر أن الرؤى اللي من الله تجي حلوه كذا حتى لو كانت تأويلها غير مليح لكن يجي مخفي بينها وانت تحسبها حلوه والعابر هو اللي يصارحك بالسوء .

اما هاذه كلها احزان وبكاء ومناوشات سبحان الله تعالى والله اعلم هاذا ظني فيها انها تحزين من الشيطان .

عموما فيه ست اداب للرؤى المكروهة وهي النفث على الشمال ثلاثا . والإستعاذه بالله من الشيطان ومن الرؤيا ، والصلاه على إثرها ، وعدم التحديث بها ، والتحول عن الجنب اللذي كنتي عليه اثناء النوم ، فإن كانت من الشيطان فهاذه الآداب السته تكبحه وربما يتوقف عن مثل ذلك خشيه انك تصلين وتتعوذين ، وإذا كانت رؤيا من الله وهي مكروهة ولها تفسير فإن تلك الآداب السته تدفع هاذا القدر ولا تقع الرؤيا بئذن الله تعالى . فالله له أن يصفح ويكشف السوء اما إذا وعدك بخير عن طريق رؤيا فالله منجز وعده والله اعلم .