رؤية المصارحه بالسحر

السلام عليكم ورحمة الله وبركاته
يارب جميعكم تكونوا في اتم صحه وسعادة يارب
انا رأيت رؤية وصراحه من عقبها وانا متوتره

رأيت اني كنت اجهز لعقد قراني ويجهزون شقتي بس شقتي ابداً مو معجبتني
وقالوا راح نعقد قران صديقتك وبعدين انتي
انا بتلت اصيح وانا مابي ابد اتزوج وصديقتي خلاص كتبوا قرانها وجا دوري بتلت اصيح وهربت واول لما طلعت من جو عقد القرآن وكذا صرت مرتاحه
وبعدين شفت انا وصديقتي رايحين عماره والعماره هذي فيها مصعد كهربائي
بس كان خربان
طلعت انا وصديقتي ع الدرج واسولف معها واقولها اول ١٠ طوابق الحمدلله مو مُتعبين واستمرينا في الطلوع وانا اقولها ها ويننا بأي طابق؟ وهي ماتدري قلت تعالى نطلع ممكن نلقى احد من سكان العماره نسأله هذا اي طابق لاقينا رجال بس شكله مُتدين وصغير يعني بعمر اخر العشرينات واقوله حنا بأي طابق؟ قال بالطابق ال١٠٠
وصديقتي جلست ع السلم وكأنها حزينه وتصيح ولاقينا هالرجال يقول ترا انتهبوا فيه شقه بالعماره الباب حقها زهري وتطلع من هالشقه رائحه كريهه
وكان كأن الرجال هذا زوج صديقتي لاني لما طلعت الطوابق اللي فوق صديقتي ماكانت معي
المهم انا طلعت لحالي ولاقيت رجال ثاني بس هذا شكله كبير اسأله اقوله هذا الطابق رقم كم؟يقولي الطابق ١٢٠
والغريب اني طلعت هالطوابق كلها بدون تعب ابد
وهالرجال لاقيته يقول ادخلي هالشقه ترا فيها تحفيظ قرآن وفيها حريم
دخلت فيها عشان يدلوني ع شيء كأني كنت تايهه
دخلت لاقيت حُرمتين وشكلهم ماشاء الله مُريح
جلست عندهم وكان حولنا اطفال وهالاطفال يقرأون القرآن
حرمه كانت لابسه اسود ومتحجبه والثانيه لابسه عبايه لونها جملي
قلت لهم انا ودي اسأل عن شيء انا تعبان مدري وش فيني
لاقيت الحرمه اللي لابسه عبايه جملي تقولي انتظري بجيب شيء
راحت جابت علبه وهالعلبه لونها جملي بعد فاضيه بس مقفوله وهي مافتحتها
والحرمه الثانيه اللي لابسه اسود تبتسم لي
جات وقالت لي انا بقولك ع شيء ترا انتي فيه احد مسويلك سحر وقف الحال ولو السحر هذا انفك بتتزوجين وتجيبين ولد

خارج الرؤيه
انا من ٦ اشهر
رحت لشيخ والشيخ هذا قالي ترا عندك عين
وسحر تعطيل الزواج وعاشق
وبعدين سوالي رُقيه وصرت الحمدلله ما احس بأي اعراض
لكن هالرؤية صارت اليوم
وصديقتي اللي معي بالرؤيه اسمها غيداء وهي صديقتي من الثانوي ومعي بالجامعه بنفس القسم والسنه يعني بنتخرج مع بعض بعد سنه
وهي عزباء
واسم الرجال اللي بالرؤيه اللي كان يبي يتزوجني (فارس)
ماعرفه انا بالحقيقه

وعليكم السلام ورحمة الله وبركاته . اقري سورة البقرة .في الحديث اللهم صل وسلم على محمد [عن عبد الله بن عمرو:] يُقالُ لصاحبِ القرآنِ اقرأْ وارتقِ ورتِّلْ كما كنت تُرتِّلُ في الدنيا فإنّ منزلَك عند آخرِ آيةٍ تقرؤُها.أبو داود (ت ٢٧٥)، سنن أبي داود ١٤٦٤  •  سكت عنه [وقد قال في رسالته لأهل مكة كل ما سكت عنه فهو صالح]  •  أخرجه أبو داود (١٤٦٤) واللفظ له، والترمذي (٢٩١٤)، والنسائي في «السنن الكبرى» (٨٠٥٦)، وأحمد (٦٧٩٩).  •  

. وفعلا الطابق ميه يوافق الآية مية من سورة البقرة في مقدمه قصة بابل وهاروت وماروت . و هاذا في المجمل فيما اظنه من رؤياك ويبدوا لي أن أخبارها صحيحه والله أعلم . وننتظر نصائح بقية الإخوة بارك الله فيكم . وخيرا رأيتم وشرا كفيتم والسلام عليكم ورحمة الله وبركاته .

جزاك الله خير الجزاء ياشيخ ولا اراكم مكروه في نفسكم ولا حبيب لكم🤍